Quotes on Life in Hindi
Zindagi ek safar hai suhana ismain kal kya ho kisne jana... Jee haan janab.. aaj aapkliye laye hain Quotes on Life in Hindi, yaani hindi main zindagi ka falsafa.. ;)
Kitni haseen hoti hai na zindagi, jab aap jo sochte ho wo ho jata hai.. or bura lagta hai jab cheeze adhuri reh jaati, chahe wo koi rishta ho, koi kaam ho, ya kisi k liye apne jajbaat ho.
Kyu na kisi ki zndagi main thordi mithaas laayi jaye, kisi udaas chehre par ek muskurahat laayi jaaye... apne pitaare se laaye kuch chuninda Quotes aapk liye..
Khud bhi padhe or share bhi karein.... :)
Quotes on Life in Hindi
Fark Hota hai khuda aur Fakir me..
Fark hota hai kismat aur Lakir me,
Agar kuch Chaho Aur na Mile To samaj Lena ki..
kuch aur Accha Likha hai Takdir me.
##########################
Zindagi lehar thi aap sahil hue,
Na jaane kaise hum aapki dosti ke qabil hue,
Na bhulenge hum us haseen pal ko,
Jab aap hamari choti si zindagi mei shamil hue.
##########################
Maine samudar se sikha hai jeene ka saleeka,
chupchap se behna aur apni mauj me rehna.
##########################
Socha tha ghar bana kar bethunga sukun se,
par ghar ki jarurato ne musafir bana dala.
##########################
zindagi me shauk to maa baap ke paiso se pure hote hai,
apne paise se toh bas jaruratey hi puri ho pati hai...
##########################
Jeevan ki bhaag daur me..
kyu waqt ke sath rangat kho jati hai?
hasti khelti zindagi bhi aam ho jati hai.
##########################
ek savera tha jab has kar uthate the hum..
or
aaj kai bar bina muskuraye hi shaam ho jaati hai.
##########################
kitne door nikal gaye,
rishto ko nibhatey nibhatey..
khud ko kho diya humne,
apno ko paate paate.
##########################
Log kehte hai hum muskuratey bahot hai,
aor hum thakk gaye dard chupate chupate..
##########################
bas ke conductor ke jaisi ho gayi hai zindagi..
kahi jana bhi nahi hai or safar bhi roz ka hai.
##########################
zindagi ek baar hi sahi lekin aise shaqsk se jarur milwati hai,
jis ke sath hum apna sab kuch baant lena chahate hai.
##########################
bas ek hi baat sikhi hai zindagi..
agar apno k karib rehna hai toh maun raho..
or apno ko karib rakhna ho toh
baat dil par mat lo.
##########################
tu aur bhi intehaan le ZINDAGI...
humre hausalo ki syaahi ab bhi baaki hai.
##########################
Khel taash ka ho ya zindagi ka
apna ekka tab hi dikhana jab saamne wala baadshah ho.
##########################
Na tum apne aap ko gale laga skte ho,
na he tum apne kandhey par sar rakha ro sakte ho,
ek dusre ke liye jeene ka naam hi zindagi hai,
isliye waqt unhe do jo tumhe chahte ho dil se,
rishte paiso ke mohtaaz nahi hote
qki kuch rishtey munafa nahi dete par jeevan
amir jarur bana dete hai.
##########################
aahista chal ae zindagi,
kuch karz chukane baaki hai.
kuch ke dard mitaney baaki hai,
kuch farz nibhane baaki hai.
##########################
aur kitne imtehaan lega waqt tu?
zindagi meri hai fir marzi teri kyu?
##########################
jo lamha saath hai , use jee bhar ke ji lena..
ye zindagi bharose ke kaabil nahi hoti.
##########################
Zindagi kisi ke liye nahi rukti,
bas jeene ki wajah badal jaati hai.
##########################
Koi mujhse puchta hai meri ZINDAGI ki keemat,
mujhe yaad aa jata hai tera wo halka sa muskurana.
##########################
Has kar jeena dastur hai zindagi ka,
ek yahi kissa mashoor hai zindagi ka
beetey hue pal kabhi laut kar nahi aatey
yahi sabse bada kasoor hai zindagi ka.
###########################
Zindagi ka apna hi rang hai,
sukh wali raat soya nahin jata aur
dukh wali raat sone nahin deti.
##########################
Ek hi samanta hai patang or zindagi me,
uchaayi me ho tab tak hi wah -wah hoti hai.
##########################
Zindagi tab behtar hoti hai jab aap khush hote ho,
lekin zindagi tab behtareen hoti jab aap ki wajah se koi dusra khush hota hai
##########################
Zindagi ki aadhi shikayatey aise hi theek ho jaye
agar log,
ek dusre ke baarey me bolne ki jagah,
ek dusre se bolna seekh ajye.
##########################
Ye zindagi jo aap abhi jee rahe hai,
bahot se logo ke liye ye abhi bhi sapna hai..
##########################
Zindagi me shanti se jeene ke 2 hi tarike hai..
1. maaf kar do unko jinko tum bhool nahi skte.
2. bhool jao unko jinko tum maaf nahi kar skte.
##########################
Insaan zindagi me galtiya kar ke utna dukhi nahi hota hai,
jitna ki wo baar baar un galtiyo ke baare me soch kar hota hai.
##########################
kehte hai zindagi me bura waqt sabka aata hai,
koi nikhar jata hai , koi bikhar jata hai.
##########################
Zindagi me acche logo ki talaash mat karo,
khud acche ban jao..
shayad kisi ki talaash puri ho jaye.
##########################
Zindagi me apnapan to har koi dikhata hai.
par apna hai kon ye waqt batata hai.
##########################
Badi chalaak hoti hai humari zindagi,
roz naya kal de kar umar chinti rehti hai...
##########################
Maine zindagi se pucha..
sabko itna dard kyo deti ho?
zindagi ne has kar jawaab diya...
mai toh sabko khushi hi deti hu,
par ek ki khushi desre ka dard ban jati hai.
##########################
Ae zindagi tere jazbe ko salaam..
pata hai ki manzil maut hai..
fir bhi daud rahi hai.
##########################
No comments:
Post a Comment